பிரதேச செயலகம் - தொளுவ

தொலுவ பிரதேச செயலகத்திற்கு வருகை தருவது எவ்வாறு ?

• கம்பளை நகரில் நுவரெலியா வீதியில் பாலத்திற்கு அருகால் இடது பக்கமாக திரும்பி தொலுவ வீதியில் கிட்டத்தட்ட 7 கி.மீற்றர்கள் வரும் போது தொலுவ நகரினை அடைவீர்கள்.தொலுவ – கண்டி வீதியில் கிட்டத்தட்ட 200 மீற்றர்கள் செல்லும்போது இடது பக்கத்தில் தொலுவ கல்லூரிக்கு அருகில் தொலுவ பிரதேச செயலகம் அமைந்திருக்கும்.

• கண்டியில் இருந்து அல்லது கொழும்பில் இருந்து வரும்போது கலஹா சந்தியில் பேராதெணிய பல்கலைக்கழகத்தின் ஊடாகச் செல்லும் கலஹா – தெல்தொட வீதியில் ஹிந்தகல விகாலைக்கு முன்னால் வலது பக்கமாக உள்ள தொலுவ வீதியில் 10 கி.மி. சென்றதன் பின்னர் தொலுவ கல்லூரிக்கு அருகில் தொலுவ பிரதேச செயலகம் அமைந்திருக்கும்.

கிராம அலுவலர் பிரிவுகள் தொடர்பான தகவல்கள்

• மேற்படி பிரிவில் 33 கிராம அலுவலர் பிரிவுகள் உள்ளன.

வியாபாரப் பெயர்களைப் பதிவு செய்யும்போது உரிமையாளர் சமூகமளிக்க வேண்டுமா?

• இதற்காக உரிய வியாபாரத்தின் உரிமையாளர் சமூகமளிப்பது கட்டாயமாகும் எனபதுடன் தேசிய அடையாள அட்டையினையும் உடன் கொண்டு வருதல் வேண்டும்.

மரணமடைந்த நபர் ஒருவரின் வங்கியில் வைப்புச்செய்யப்பட்ட பணம் மற்றும் ஈடுவைக்கப்பட்ட பொருட்கள் என்பன தொடர்பான நடவடிக்கைகளை மேற்கொள்ளும்போது உடன் கொண்டுவர வேண்டிய ஆவணங்கள் எவை

• மரணித்தவரின் இறப்புச் சான்றிதழ்
• விண்ணப்பதாரருடனான உறவினை உறுதிப்படுத்தும்  ஆவணங்கள் (பிறப்புச் சான்றிதழ்,விவாகச் சான்றிதழ்)
• வேறு உறுப்பினர்கள் இருப்பதாயின் விண்ணப்பதாரருக்கு பணம் அல்லது பொருட்களை வழங்குவதற்கு அவர்களது எதிர்ப்பு ஏதும் இல்லை என சத்தியக் கடதாசிகள்
• தேசிய அடையாள அட்டை

மின் பாவனைப் பற்றுச்சீட்டுக்களில் பெயர்களை மாற்றும்போது கொண்டுவர வேண்டிய ஆவணங்கள் எவை.

• மின் இணைப்பினைப் பெற்றுக்கொள்வதற்கு உரிய இடத்தின் உரித்தினை உறுதிப்படுத்துவதற்கான உறுதிப்பத்திரம்
• வீடமைப்பு அபிவிருத்தி அதிகார சபையினால் அல்லது நகர சபையினால் சமர்ப்பிக்கப்பட்ட உரித்தினை உறுதிப்படுத்தும் கடிதம்
• தேசிய அடையாள அட்டை

கர்ப்பிணித் தாய்மார்களுக்கு வழங்கும் ரூ.20000/= போசணைக் கொடுப்பனவினைப் பெற்றுக்கொள்வது எவ்வாறு?

• கர்ப்பமுற்று 3 மாதங்கள் கழியும் முன்னர் நீங்கள் செல்லும் தாய்மார் சிகிச்சை நிலையத்திற்கு உரிய பிரதேச செயலகத்தின் ஆரம்பப் பிள்ளைப்பருவ அபிவிருத்தி உத்தியோகத்தரிடமிருந்து அல்லது மேற்படி நிகழ்ச்சித்திட்டத்தினை நடைமுறைப்படுத்தும் அலுவலரிடமிருந்து விண்ணப்பம் ஒன்றினைப் பெற்றுள்கொள்ள முடியும்.

கல்வி நடவடிக்கைகளுக்கான நிதியுதவிகளைப் பெற்றுக்கொள்ளக்கூடியவர்கள் யார்

பிள்ளைகளின் தந்தை மரணமடைந்து அல்லது குணப்படுத்த முடியாத குறைபாடு ஒன்றினால் பாதிக்கப்பட்டு உள்ள ஒருவராயின் பாடசாலை செல்லும் பிள்ளைகளுக்கு புலமைப் பரிசில்களைப் பெற்றுக்கொள்ள முடியும்.

அரச சார்பற்ற அமைப்பு ஒன்றினைப் பதிவு செய்வது எவ்வாறு ?

• ஆரம்பிக்கப்பட்டு ஒரு வருடம் கடந்துள்ள அரச சார்பற்ற அமைப்புக்கள், ஆவணங்கள் ஒப்படைக்கப்பட்டதன் பின்னர் பதிவு செய்யப்படும்.

சமூர்த்திப் பயன்களை புதிதாகப் பெற்றுக்கொள்ள முடியுமா?

• தற்போதைக்கு புதிதாக பயனாளிகள் தேர்ந்தெடுக்கப்படாததுடன் எதிர்காலத்தில் அது தொடர்பாக கவனம் செலுத்துவதற்கு மேன்முறையீடுகள் ஏற்றுக்கொள்ளப்படும்.

முதியோர் நிதியுதவிகளைப் பெற்றுக்கொள்வதற்குத் தேவையான தகைமைகள் எவை ?

• விண்ணப்பிக்கும் திகதியன்று வயது 70 வருடங்களுக்கு மேற்பட்ட
• குடும்ப வருமானம் மாதம் ஒன்றிற்கு ரூ.3000 அல்லது அதிலும் குறைவாயின்

கணவர்  அல்லது மனைவி ஆகியோருள் ஒருவருக்கு இதற்காக விண்ணப்பிக்க முடியும்.

பிறப்பு அல்லது விவாக அல்லது இறப்புச் சான்றிதழ்களின் பிரதிகளைப் பெற்றுக்கொள்வது எவ்வாறு ?

• பிறப்பு அல்லது விவாக அல்லது இறப்புச் சான்றிதழ்களின் இலக்கம் மற்றும் திகதி ஆகியன அறிந்திருப்பின் ரூ.100 இனையும்
• பிறப்பு அல்லது விவாக அல்லது இறப்புச் சான்றிதழ்களின் இலக்கம் மற்றும் திகதி ஆகியன அறிந்திராவிடின் ரூ.200 இனையும் பிரதேச செயலகத்திற்குச் செலுத்தி சான்றிதழ்களைப் பெற்றுக்கொள்ள முடியும்.
• இங்கு கண்டி மாவட்டத்தில் இடம்பெற்ற பிறப்பு ஒன்று அல்லது விவாகம் மற்றும் இறப்பு ஒன்றாயின் மாத்திரம் கண்டி மாவட்ட பிரதேச செயலகத்தில் இருந்து சான்றிதழ்களைப் பெற்றுக்கொள்ள முடியும்.

பிறப்பு ஒன்றினைப் பதிவு செய்வது எவ்வாறு ?

• பொதுவான பிறப்பு ஒன்றினைப் பதிவு செய்வதற்காக பிறப்பு நிகழ்ந்து மூன்று மாதங்களுக்கு முன்னர் உரிய பிரிவில் பிறப்பினைப் பதிவு செய்யும் பதிவாளர் ஒருவரினைச் சந்தித்து பிறப்பினைப் பதிவு செய்துகொள்ளல் வேண்டும்.
• மூன்று மாதங்கள் கடந்த பிறப்பு ஒன்றினைப் பதிவு செய்வதற்காக மேலதிக மாவட்டப் பதிவாளரினை சந்தித்து உரிய தகவல்களைப் பெற்றுக்கொள்ளவும்.

பிறப்புச் சான்றிதழ் ஒன்றில் திருத்தங்களை மேற்கொள்வது எவ்வாறு?

• உரிய ஆவணங்களைப் கொண்டு வந்து மேலதிக மாவட்டப் பதிவாளரினை சந்திக்கவும்.

சிவில் ஓய்வூதியதாரர் மரணித்ததன் பின்னர் விதவைகள் அனாதைகள் ஓய்வூதியத்தினை ஒழுங்கமைத்துக்கொள்வது எவ்வாறு

• முதலில் ஓய்வூதியரின் இறப்புச் சான்றிதழினைப் பெற்றுக்கொண்டு ஓய்வூதியத்தினை நிறுத்துதல்.
• கூடுதலான தொகை ஒன்று காணப்படின் அதனை வருவித்துக்கொள்ள வங்கிக்குக் கடிதங்களை அனுப்புதல்
• பின்னர் உரிய நபருக்கு கீழே குறிப்பிடப்பட்டு உள்ள ஆவணங்களைக் கொண்டு வருமாறு அறிவித்தல்.
• ஓய்வூதியரின் இறப்புச் சான்றிதழின் மூலப்பிரதி
• விதவையின் பிறப்புச் சான்றிதழின் மூலப்பிரதி
• விவாகச் சான்றிதழின் மூலப்பிரதி
• விதவையின் வங்கிப் புத்தகத்தின் போட்டோப் பிரதி
• விதவையின் அடையாள அட்டையின் போட்டோப் பிரதி
• விதவைகள் அனாதைகள் அட்டைப் பத்திரத்தின் போட்டோப் பிரதி அல்லது விதவைகள் அனாதைகள் இலக்கம்
• கிராம அலுவலரினால் உறுதிப்படுத்தப்பட்ட கடவுச்சீட்டு அளவான வர்ணப் புகைப்படம் ஒன்று

• மேற்படி ஆவணங்களின் சகல பிரதிகளையும் கிராம அலுவலரினால் உறுதிப்படுத்தல் வேண்டும்.

• அதன் பின்னர் அவர்கள் உரிய தகவல்களை வழங்கியதன் பின்னர் கோப்பினைக் கொண்டு வந்து விதவைகள் அனாதைகள் ஓய்வூதியத்தினைத் தயாரித்துக்கொள்ள தேவையான நடவடிக்கைகளை மேற்கொள்ளல்.

ஓய்வூதியர்களின் ஓய்வூதியத்தினை  நிறுத்தியிருப்பது ஏன்?

• உரிய வருடத்திற்கான உயிர் வாழும் சான்றிதழினை வழங்காமையின் காரணமாக ஓய்வூதியத்தினை நிறுத்துதல்.
• ஓய்வூதியர் வருகை தந்ததன் பின்னர் உயிர் வாழும் சான்றிதழினை வழங்குதல் மற்றும் கிராம அலுவலரினால் உறுதிப்படுத்தி கொண்டு வருமாறு கூறுதல்.
• பின்னர் மீண்டும் உயிர் வாழும் சான்றிதழினை ஒப்படைத்ததன் பின்னர் ஓய்வூதியத்தினை இற்றைப்படுத்தல்.

விதவை மரணித்ததன் பின்னர் ஓய்வூதியத்தினை உரித்தாளர்களுக்கு ஏன் செலுத்துவதில்லை ?

• விதவைகள் அனாதைகள் ஓய்வூதியச் சட்டத்திற்கு அமைய விதவைகள் அனாதைகள் ஓய்வூதியத் தொகைக்கு உரிமை பெற்ற நபர் ஒருவர்  மரணித்ததன் பின்னர் மேற்படி நபருக்கு உரித்தாக வேண்டிய சம்பளம் ஒன்று அல்லது நிலுவைத் தொகை ஒன்று இருப்பின்  மேற்படி தொகையினை அவர்களது உரித்தாளர்களுக்கு செலுத்துவதற்கான சட்டரீதியான ஏற்பாடுகள் இல்லை என்பது தொடர்பாக  விளக்கம் அளித்தல்.